කෑගල්ල මොරොන්තොට පිහිටි පෞද්ගලික කුඩා ජල විදුලි බලාගාරයකට ජලය ලබාගන්නා ගුරුගොඩ ඔයේ අතිරික්ත ජලය පෙර දැනුම්දීමකින් තොරව නිකුත් කිරීම හේතුවෙන් එහි පහත ප්‍රදේශයේ දිය නාමින් සිටි පුද්ගලයෙකු අතුරුදන් වී තිබෙනවා. ඔහුත් සමග දිය නාමින් සිටි තවත් පුද්ගලයෙකු ජලයේ ගසාගෙන ගොස් ඇති අතර ඔහු අත්තක එල්ලී දිවි බේරාගෙන ඇති බවයි පොලීසිය සදහන් කළේ. අනතුරුව ප්‍රදේශවාසින් එහි සේවය යෙදී සිටි පුද්ගලයින්ට පහර දී ඇති බවයි අප වාර්තාකරු පැවසුවේ. කෙසේ වෙතත් මේ සම්බන්ධයෙන් විදුලි බල හා පුනර්ජනනීය බලශක්ති අමාත්‍ය රංජිත් සියඹලාපිටියගෙන් හිරු ප්‍රවෘත්ති අංශයට කළ විමසීමකදී ඔහු කියා සිටියේ ඒ පිළිබඳ වහාම පරීක්ෂණයක් පවත්වන ලෙස අදාළ නිලධාරීන්ට උපදෙස් ලබාදුන් බවයි.
